Комплаенс-қызмет

Сыбайлас жемқорлыққа қарсы комплаенс – тиісті ұйымның және оның қызметкерлерінің сыбайлас жемқорлыққа қарсы іс-қимыл саласындағы Қазақстан Республикасының заңнамасын, сыбайлас жемқорлық құқық бұзушылықтарға жол бермеуді және беделін жоғалтуды қамтамасыз ететін ішкі нормативтік құжаттармен регламенттелген қағидалар мен рәсімдерді сақтауын қамтамасыз ету жөніндегі функция, квазимемлекеттік сектор субъектісі бөлімшелерінің біріне немесе қоғамның белгілі бір лауазымды адамына жүктеледі.

Қазақстанның авиациялық әкімшілігі Бас директорының (бұдан әрі – қоғам) 2021 жылғы 10 ақпандағы №70-ДЗ бұйрығына сәйкес Қоғамда сыбайлас жемқорлыққа қарсы комплаенс – бақылау құрылды және комплаенс және ішкі қауіпсіздік жөніндегі аға инспектор лауазымы құрылды.

Сыбайлас жемқорлыққа қарсы комплаенс – бақылау қызметінің негізгі мақсаты қоғамның және оның қызметкерлерінің Қазақстан Республикасының Сыбайлас жемқорлыққа қарсы іс-қимыл туралы заңнамасын сақтауын қамтамасыз ету, сондай-ақ сыбайлас жемқорлыққа қарсы іс-шаралардың іске асырылуына мониторинг жүргізу болып табылады. Барлық қызметкерлер арасында ашықтықты, адалдықты қамтамасыз ететін және Қазақстан Республикасының үздік халықаралық стандарттарына, ішкі саясаттары мен заңнамаларына сәйкес азаматтық авиация пайдаланушыларының қызметіне бейтарап және объективті бақылау мен қадағалау жүргізу үшін жағдайлар жасайтын қоғамның ішкі корпоративтік мәдениетін қалыптастыру.

Сыбайлас жемқорлыққа қарсы комплаенс-бақылау өз қызметін Қазақстан Республикасының Конституциясына, Қазақстан Республикасының заңнамасына, Қазақстан Республикасының Еңбек кодексіне, Іскерлік әдеп кодексіне, Жарғыға, Сыбайлас жемқорлыққа қарсы стандартқа және қоғамның өзге де ішкі құжаттарына сәйкес жүзеге асырады.

"Сыбайлас жемқорлыққа қарсы іс – қимыл туралы" Қазақстан Республикасы Заңының 16-бабы 3-тармағына сәйкес сыбайлас жемқорлыққа қарсы комплаенс-бақылау өз өкілеттігін атқарушы органға, Қоғамның лауазымды адамдарына қарамастан жүзеге асырады және Директорлар кеңесіне есеп береді.